"Liderliyi qorumaq asan olmayacaq" - Kosovonun baş məşqçisi
Baxılıb: 698 Tarix: 17-11-2018 15:18
“UEFA Millətlər Liqasının qrup mərhələsində iki oyunumuz qalıb. Hazırda etibarlı mövqedəyik”.
Qol.az-ın Malta mətbuatına istinadən yaydığı xəbərə görə, bu sözləri Kosovo millisinin baş məşqçisi Bernar Şalland deyib. UEFA Millətlər Liqasının qrup mərhələsinin 5-ci turunda Malta ilə keçirəcəkləri oyundan danışan mütəxəssis həm bugünkü, həm də 3 gün sonra Bakıda yığmamıza qarşı matçın çətin keçəcəyini bildirib:
"Həm Malta, həm də Azərbaycanla oyunlarımız ağır keçəcək. Liderliyi qorumaq asan olmayacaq".
Şalland Malta yığmasının ötən ay Bakıda millimizlə 1:1 hesablı heç-heçə etdiyi oyuna da toxunub: "Maltanın Bakıda göstərdiyi oyun məni yaxşı mənada təəccübləndirdi. Açığı, onların uzaq yola görə səfərdə yaxşı nəticə qazanacaqlarını düşünmürdüm”.
Qeyd edək ki, həm Malta – Kosovo, həm də Azərbaycan – Farer adaları matçı bu gün 21:00-da başlayacaq.
Ən çox oxunanlar
Son xəbərlər
