Antalyada klublarımızı gözləyən afrikalı futbolçular
Baxılıb: 676 Tarix: 28-12-2018 13:29
Bir neçə qanalı futbolçu karyerasını Azərbycanda davam etdirə bilər.
Qol.az-ın Türkiyənin "Milliyət" qəzetinə istinadən yaydığı xəbərə görə, bunu afrikalı futbolçuların meneceri Mehmet Ali Gürboğa açıqlayıb.
19-24 yaş aralığında olan 22 futbolçu üç aya yaxındır Antalyada hazırlıq keçir. Formada qalmaq üçün həftədə üç dəfə məşq edən və hər həftəsonu iki yoxlama görüşü keçirən afrikalılar Antalyanı Avropaya çıxış qapısı kimi görürlər. Qananın "Sondisko" klubunun oyunçuları gələn aydan Antalyaya təlim-məşq toplanışına yollanacaq klublarda baxışdan keçmək istəyirlər. Onların arasında Nigeriya və Fil Dişi Sahilindən olan futbolçular da var.
Mehmet Ali Gürboğa hazırda futbolçuların klubların yollarını gözlədiklərini söyləyib: "Dörd oyunçumuzla maraqlanan klublar var. Həm onlar, həm də digərləri müxtəlif komandalarda baxışdan keçəcək. Qanalı oyunçularımız Rusiya, Qazaxıstan, Azərbaycan, Almaniya, Belçika və Fransa klublarına getməyə çalışacaqlar".
Menecer oyunçuların qiymətlərini ucuz olduğunu bildirib: "Klublar bu istedadlı gənc futbolçuları məvaciblə də qazana bilərlər. Onların tək istəyi karyeralarını Avropada davam etdirməkdir. Onları hər klub rəsmisi gəlib izləyə bilər".
Xatırladaq ki, klublarımız yanvarda təlim-məşq toplanışı üçün Antalyaya yollanacaq.
Ən çox oxunanlar
Son xəbərlər
