"Millimiz üçün 4-5 məşqçi ilə danışmışıq" - Ağasəlim Mircavadov
Baxılıb: 861 Tarix: 04-01-2019 14:26
AFFA-nın Məşqçilər Komitəsinin üzvü Ağasəlim Mircavadov Qol.az saytının suallarını cavablandırıb. 71 yaşlı mütəxəsis Məşqçilər Komitəsinin son iclasında müzakirə olunan məsələlərdən danışıb.
- Ötən ayın 29-u görüşdük. Söhbətlərimiz oldu. Yenə görüşəcəyik, onda biləcəyik nə var, nə yox.
- Görüşdə nələr müzakirə olundu? Əsas milli ilə bağlı söhbətiniz oldu?
- Yox, əsas milli ilə bağlı müzakirə aparmadıq. Ancaq aşağı yaş qrupları ilə bağlı danışıqlar oldu.
- 21 yaşadək futbolçulardan ibarət Azərbaycan milli komandasının baş məşqçi vəzifəsinə serbiyalı mütəxəssis Milan Obradoviçin gələcəyi deyilir.
- Bilmirəm, ya sabah, ya da növbəti gündə məsələ həll olunacaq, onda dəqiq bilinəcək. Biz indi mütəxəsislərə baxırıq, maraqlanırıq. Dəqiq qərar tezliklə veriləcək.
- Hazırda namizədlər arasında elə biri varmı ki, digərlərindən bir addım öndə olsun?
- Biz 4-5 mütəxəsislə danışmışıq. Hətta yerli çalışdırıcılarla da danışıq aparmışıq. Biz öz fikrimizi bildirmişik. Sonda hansı qərarın veriləcəyini deyə bilmərəm.
- U-21 millimizi yerli, yoxsa əcnəbi mütəxəssisin çalışdırmasını istərdiniz?
- Mən 1993-cü ildən yeri məşqçilərin tərəfdarı olmuşam. Sizə bir sualım var, siz çempionatdan razısınız?
- Xeyr.
- Niyə?
- Çünki rəqabət yoxdur.
- Mən sizə sual verdim, siz də cavab verdiniz. Vəssalam. Biz 4-5 əcnəbi, yerli məşqçilərlə danışmışıq. Yaxın günlərdə qərar veriləcək.
- Belə çıxır ki, gələn həftənin əvvəli açıqlanacaq?
- Qarşıdakı 1-2 gündə də ola bilər. Gələn həftə də açıqlanması mümkündür.
Ən çox oxunanlar
Son xəbərlər
