Braziliya Hondurası 7:0 hesabı ilə məğlub edib

Futbol üzrə Braziliya yığması yoldaşlıq oyununda Honduras millisini böyük hesabla məğlub edib.
“Report” TASS-a istinadən xəbər verir ki, Portu-Aleqri şəhərinin “Joze Pineyro Borda” stadionunda baş tutan görüş 7:0 hesabı ilə yekunlaşıb.
Matçda hesab 9-cu dəqiqədə açılıb: Qabriel Jezus fərqlənib. Matçda son nöqtəni isə 70-ci dəqiqədə Rişarlison qoyub.
Yoldaşlıq oyunu (yığmalar)
Braziliya – Honduras – 7:0
Qollar: 1:0 – Jezus – 9, 2:0 – Tyaqo Silva – 13, 3:0 – Koutinyo – 37 (pen), 4:0 – Jezus – 47, 5:0 – Neres – 56, 6:0 – Firmino – 65, 7:0 – Rişarlison – 70.