Azərbaycanlı aktyor Rusiyada vəfat etdi
Baxılıb: 632 Tarix: 25-09-2019 10:32
Azərbaycanlı aktyor Rusiyada vəfat edib.
Report-un xəbərinə görə, Rusiyanın Moskva vilayəti, Serpuxov Şəhər Musiqili Dram Teatrının aktyoru Ramil Əzimov uzun sürən xəstəlikdən sonra 41 yaşında dünyasını dəyişib.
R.Əzimov 2006-cı ilədək Azərbaycan Gənc Tamaşaçılar Teatrının aktyoru olub. O, sonradan Rusiyaya köçüb və orada aktyor fəaliyyətini davam etdirib.
Aktyor xərçəng xəstəliyindən əziyyət çəkirmiş.
R.Əzimovla bu gün yerli vaxtla saat 13:30-da Serpuxov Şəhər Musiqili Dram Teatrının səhnəsində vida mərasimi keçiriləcək. Vida mərasimindən sonra onun cənazəsi Bakıya gətiriləcək.
Qeyd edək ki, R.Əzimov 1978-ci il dekabrın 8-də Bakı şəhərində anadan olub.
Allah rəhmət eləsin!
Ən çox oxunanlar
Son xəbərlər
