Oğuzda ər arvadını ölümcül hala saldı
Baxılıb: 608 Tarix: 01-06-2018 10:27
Oğuzda 47 yaşlı qadın əri tərəfindən döyülüb.
APA-nın Şəki-Zaqatala bürosunun məlumatına görə, mayın 31-i saat 21.00 radələrində rayonun Qumlaq kənd sakini, 1971-ci il təvəllüdlü Məhbubə Kərim qızı Xəlilova Oğuz Mərkəzi Rayon Xəstəxanasına (MRX) daxil olub.
Oğuz MRX-da ilkin tibbi yardım göstərildikdən sonra qadın müayinə və müalicəsini davam etdirmək üçün Şəki MRX-a göndərilib.
Şəki MRX-dan APA-ya bildirilib ki, Məhbubə Xəlilova xəstəxananın reanimasiya şöbəsində yerləşdirilib, vəziyyəti orta-ağır qiymətləndirilir.
Oğuz rayon Polis Şöbəsindən bildirilib ki, Məhbubə Xəlilovanı əri, 1960-cı il təvəllüdlü Osman Vəlyəddin oğlu Xəlilov münaqişə zəminində döyüb.
Faktla bağlı Oğuz RPŞ-də araşdırma aparılır.
Ən çox oxunanlar
Son xəbərlər
