Lerikdə gənc oğlan çayda boğuldu

Lerik rayonunda gənc oğlan çayda boğulub.
Qanunvehedef.az report-a istinadən xəbər verir ki, hadisə Lənkəran-lerik yolunun 25-ci kilometrliyində baş verib.
Belə ki, Lerik rayon sakini, 27 yaşlı Ramin Məmmədov ailə üzvləri ilə birlikdə istirahət edərkən ehtiyatsızlıqdan çaya yıxılaraq boğulub.
Hadisə baş verən zaman ailə üzvləri orada olsalar da ona kömək edə bilməyiblər. Çayın suyu lilli olduğundan hələlik meyit aşkar olunmayıb.
Hadisə yerinə polis əməkdaşları gəliblər.
Axtarışların aparılması üçün FHN-nin dalğıc qrupu məlumatlandırılıb.