Bakıya meydan oxuyan generalın evindən, görün, nə çıxdı
Baxılıb: 505 Tarix: 20-06-2018 18:00
Həbs edilən erməni general Manvel Qriqoryanın Azərbaycanın işğal olunmuş Qarabağ ərazisində yerləşən iqamətgahında axtarış aparılıb.
Qanunvehedef.az xəbər verir ki, axtarışı Ermənistan Milli Təhlükəsizlik Xidməti aparıb. Axtarış zamanı generalın iqamətgahından üzərində “Əsgər payı” yazısı olan çoxlu sayda ət konservi və digər satışı qadağan edilən məhsullar aşkar edilib. Konservlərlə bərabər axtarış zamanı iqamətgahdan çoxlu sayda siqaret, əsgər alt paltarları, bintlər, benzin, 7,62 mm və 5,45 mm-lik güllələr tapılıb.
Qeyd edək ki, Qriqoryan bir müddət əvvəl həbs edilib. O, Qarabağ müharibəsində Füzuli və Cəbrayıl rayonları istiqamətində aparılan döyüşlər zamanı azərbaycanlılara qarşı xüsusi qəddarlıq nümayiş etdirənlərdən biri olub. Qriqoryan həmçinin Aprel müharibəsi zamanı Bakıya qarşı sərt çıxış edib.
Ən çox oxunanlar
Son xəbərlər
