Xalq artistimiz Həmidə Ömərovaya AĞIR İTKİ : "Arxa-dayaq bildiyim.."

Xalq artisti Həmidə Ömərovanın ailəsində ağır itki baş verib.
Aktrisanın analığı Südabə xanım vəfat edib. Bu barədə Xalq artisti instaqramda məlumat verib. Həmidə Ömərova sosial şəbəkədə analığı ilə şəklini paylaşıb və acısını belə ifadə edib:
"Yubileyinə hazırlaşırdıq... Südabə ana, bacı-qardaşlarımın anası, mənim ikinci anam. Gülərüz, xoşxasiyyətli, təvazökar, mehriban anamız. Arzumuz ürəyimizdə qaldı. İkinci anam, atamın ikinci ailəsinin ömür-gün yoldaşı. Ən əsası gözəl insan... Anam rəhmətlikdən sonra arxa-dayaq bildiyim ikinci anam".