Fədayə Laçının cinayət işi yekunlaşdı: son qərar...
Baxılıb: 738 Tarix: 28-06-2018 15:42
Penitensiar xidmətin Konvoy taborunun keçmiş komandiri, ədliyyə polkovnik-leytenantı Bəhruz Abdullayev, Bakıda məhbusların qaçmasına kömək göstərməkdə təqsirləndirilən müğənni Fədayə Laçın və digər 11 nəfərin cinayət işinin istintaqı başa çatıb.
Bu barədə Kult.az-a vəkil Vilayət Nadirov məlumat verib.
Onun sözlərinə görə, cinayət işi üzrə 13 nəfər təqsirli bilinib və 1 nəfər barəsində isə axtarış elan olunub.
“13 nəfərin cinayət işinin ibtidai istintaqı başa çatıb. Hazırda vəkillər işlə tanış olurlar. 10 gün ərzində cinayət işi Bakı Ağır Cinayətlər Məhkəməsinə göndəriləcək. Cinayət işi ayrıca icraata ayrılmayıb”.
Xatırladaq ki, ötən il oktyabrın 23-də Bakı- Astara - Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə bir neçə gün sonra keçirilən əməliyyat zamanı hüquq-mühafizə orqanlarının əməkdaşları tərəfindən zərərsizləşdirilib.
Məhkumların qaçmasına yardım etməkdə təqsirləndirilən Hacıyev Məhəmməd Famil oğlu, Günay Atakişiyeva, müğənni Fədayə Laçın və Pentensiar Xidmətin bir neçə əməkdaşı həbs olunub.
Ən çox oxunanlar
Son xəbərlər
