Kartof almağa gedən qaynana: "Gəldim gördüm ki, gəlini öldürüb" - VİDEO
Baxılıb: 636 Tarix: 23-08-2022 10:30
Daşkəsən rayonunda gəlinini qəsdən öldürməkdə şübhəli bilinən qayınata tutulub.
BAKU.WS xəbər verir ki, bu barədə Daşkəsən Rayon Prokurorluğundan məlumat verilib.
Belə ki, avqustun 22-i, saat 11 radələrində Daşkəsən rayonunun Bayan kəndi ərazisində 1993-cü il təvəllüdlü Nəzakət Həsənovanın öldürülməsi barədə rayon prokurorluğuna məlumat daxil olub.
Aparılmış araşdırmalarla zərərçəkmişin qaynatası 1964-cü il təvəllüdlü Məhəmmədəli Mustafayevin şəxsi münasibətlər zəminində aralarında yaranmış mübahisə zamanı Nəzakət Həsənovaya bıçaqla xəsarətlər yetirərək onu qəsdən öldürməsinə əsaslı şübhələr müəyyən edilib.
Faktla bağlı Daşkəsən rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Məhəmmədəli Mustafayev şübhəli şəxs qismində tutularaq istintaqa cəlb edilib. Hazırda istintaq tədbirləri davam edir.
Qətlə yetirilənin qaynanası "Real TV"yə bildirib ki, evdən kartof almaq üçün çölə çıxıb və qayıdanda qətlin baş verməsinin şahidi olub.
Qanunvehedef.az
Ən çox oxunanlar
Son xəbərlər
