"Lotu Quli" sərbəst buraxıldı - "AST Telman"ın qonağı ikən tutulub - FOTO

Xəbər verdiyimiz kimi, azərbaycanlı "qanuni oğru" "Lotu Quli" ləqəbli Nadir Səlifov ötən gün saxlanılıb.
Kriminal avtoritet Çernoqoriyanın paytaxtı Podqoritsada tutulub.
Əldə etdiyimiz özəl məlumata görə, ötən gün "İnterpol" tərəfindən saxlanılan Səlifov bu gün sərbəst buraxılıb.
Bildirilir ki, "Lotu Quli" sözügedən ölkədə azərbaycanlı oliqarx Telman İsmayılovun qonağı olarkən saxlanılıb.
Qeyd edək ki, Telman İsmayılov Rusiyada problemlərlə üzləşdikdən bir müddət sonra Podqoritsanı özünə məskən seçib.
Xatırladaq ki, Nadir Səlifov azadlığa çıxdıqdan sonra Türkiyənin İstanbul şəhərinə üz tutmuşdu. Lakin burada çox qala bilməyən "qanuni oğru" son olaraq qardaş ölkədə digər kriminal avtoritet Nikolay Dqeçuadzenin toyunda iştirak edib ki, bu da iyun ayına təsadüf edir. Bu tarixdən sonra Səlifov Türkiyə ərazisində görünməyib