Məşhur göz həkimin otağından oğurluq edən keçmiş məhkumun məhkəməsi - TƏFƏRRÜAT

Nəsimi Rayon Məhkəməsində göz həkiminə qarşı oğurluq edən şəxsin məhkəməsi başlayır.
Qanunvehedef.az "ölkə.az"-a istinadən bildirir ki, cinayət məcəlləsinin 177.2.3-cü maddəsi ilə təqsirləndirilən İsmayılov Firdovsi Davud oğlunun məhkəmə prosesinə hakim Babək Pənahov sədrlik edəcək.
İttiham aktına görə, Firdovsi İsmayılov, Ulduz Zülfüqar qızı Quliyevanın işlədiyi tibbi klinikada həkimin otağına daxil olaraq ona məxsus qiymətli əşyaları və pul kisəsini oğurlayaraq aradan çıxıb.
Belə ki, bu il martın 19-u saat 13:50 radələrində, Nəsimi Rayon Mühafizə İdarəsinin əməkdaşları, rayonun 20 yanvar küçəsində yerləşən, "Dobromed" klinikasindan Mərkəzi Mühafizə Məntəqəsinə "həyəcan" siqnalı daxil olub.
Siqnal yoxlanılarkən klinikada həkimin otağından oğurluğa cəhd göstərmiş Tərtər rayon sakini, 1972-ci il təvəllüdlü, əvvəllər AR CM-nin müxtəlif maddələri ilə məhkum olunmuş İsmayılov Firdovsi Davud oğlunu tutulub.
O, sonrakı araşdırmalar aparılması üçün ərazi üzrə 19-cu Polis Bölməsinə təhvil verilib.
Qeyd edək ki, zərərçəkən Ulduz Quliyeva Azərbaycan Tibb Universitetinin Oftalmologiya kafedrasının baş laborantıdır, həmçinin özəl klinikalarda tanınmış oftalmoloq kimi fəaliyyət göstərir.
Xatırladaq ki, Tərtər rayon sakini olan F.İsmayılov bundan öncədə özəl klinikadan oğurluq etdiyinə görə, məhkumluq həyatı yaşayıb.
Belə ki, 2012-ci ilin sentyabr ayında Bakı Ağır Cinayətlər Məhkəməsində paytaxtında özəl klinikada oğurluq etməkdə şübhəli bilinən Tərtər rayon sakini Firdovsi İsmayılovun cinayət işi üzrə məhkəmə başa çatıb. Məhkəmənin hökmü ilə Firdovsi İsmayılov 9 il müddətinə azadlıqdan məhrum edilib.
İttihama görə, təqsirləndirilən şəxs ötən il 2011-ci il oktyabrın 13-də "Avrasiya" Klinikasının kassa otağından açıq qalmış 1200 manat pulu oğurlayıb. Binəqədi rayon Polis İdarəsinin 4-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Firdovsi İsmayılov tutulub.шаблоны для dle 11.2