MİT-dən əməliyyat: Reyhanlı qatili axır ki, yaxalandı
Baxılıb: 551 Tarix: 12-09-2018 15:33
Türkiyənin Milli İstehbarat Təşkilatının (MİT) əməkdaşları Suriyanın Latakiya bölgəsində xüsusi əməliyyatla axtarışda olan terrorçunu ölkəyə gətiriblər.
Qanunvehedef.az Türkiyə mediasına istinadla xəbər verir ki, xüsusi əməliyyat nəticəsində saxlanılaraq ölkəyə gətirilən Yusuf Nazik adlı terrorçu Reyhanlı bölgəsində 52 nəfərin ölümünə səbəb olan teraktları planlaşdıran şəxsdir. Nazik keçirilən ilk dindirilmədə hücumları planlaşdırdığını etiraf edib.
2013-cü ilin mayın 11-də Hatayın Reyhanlı bölgəsində 2 terror hadisəsi baş verib. Hücumlar nəticəsində 52 nəfər ölüb, 146 nəfər yaralanıb. Minalanmış avtomobillərin partladılması ilə baş verən hücum Türkiyə tarixində 2015-ci ildəki Ankara hücumundan sonra ən qanlı ikinci terror aktı kimi qeyd olunub.
Ən çox oxunanlar
Son xəbərlər
