Sevil Nuriyevanın ərini İstanbulda öldürən şəxs kimdir?
Baxılıb: 678 Tarix: 20-09-2018 11:48
Xəbər verdiyimiz kimi, Türkiyədə azərbaycanlı iş adamı, eyni zamanda siyasi analitik Etimad İsmayılov qətlə yetirilib.
azxeber.com Türkiyə mətbuatına istinadən xəbər verir ki, hadisə İstanbul şəhərində baş verib. O, Floryadakı ofisində silahlı hücuma məruz qalıb.
Başından və ürəyindən güllə yarası alan İsmayılov xəstəxanaya çatdırılsa da, onun həyatını xilas etmək mümkün olmayıb.
Ədalət Partiyasının sədri İlyas İsmayılovun oğlu və birinci müavini və eyni zamanda məşhur jurnalist, "Star" qəzetinin köşə yazarı Sevil Nuriyevanın həyat yoldaşı olan Etimad İsmayılovu Gözəl Dəmirov adlı şəxs öldürüb.
Gözəl Dəmirov kimdir?
Məlumata görə, qətli törədən G.Dəmirov 90-cı illərin əvvəllərində Daxili İşlər Nazirliyində idarə rəisi olub. İstefada olan polkovnik G.Dəmirovun qardaşı Bakı Soyuducular Zavodunun direktoru olub. G.Dəmirov 90-cı illərin sonlarında ölkədən qaçaraq Türkiyədə yaşamağa başlayıb.
Onun Türkiyədə iri biznesə malik olduğu və eyni zamanda Azərbaycanda biznesə sahib olduğu mətbuatda çıxan xəbərlər arasında yer alıb. Dəmirovun "Fənərbaxça" klubunun keçmiş prezidenti Əziz Yıldırımla biznes əlaqələrinin olduğu da məlumdur.
Yayılan bir digər məlumata görə, , G. Dəmirova görə "Palmali" şirkətlər qrupunun rəhbəri Mübariz Mənsimovu polis saxlayıbmış. Çünki G.Dəmirovun ona təşkil etdiyi silah gəzdirmə icazəsi saxta çıxıb.
Qətlin alqı-satqıya görə baş verdiyi bildirilir. Cinayəti törədən G.Dəmirov artıq yaxalanıb.
Ən çox oxunanlar
Son xəbərlər
