Kürdə balıq tutmaq istədi, özü “tora” düşdü

Yevlax rayonu ərazisində icazəsiz balıq ovlayan şəxs saxlanılıb.
Ekologiya və Təbii Sərvətlər Nazirliyindən Qanunvehedef.az-a verilən məlumata görə, Su Hövzələrində Bioloji Resursların Artırılması və Mühafizəsi Departamentinin əməkdaşları reyd keçirib. Reyd zamanı Kür çayının Yevlax rayonu ərazisində balıq ovlayan şəxs saxlanılıb.
Araşdırma zamanı ov edən şəxsin Mingəçevir şəhər sakini Mehman Bəkirov olduğu müəyyən edilib, ondan müxtəlif növ balıq, ov alətləri və taxta qayıq götürülüb.
Faktla bağlı brakonyer barəsində qanunamüvafiq tədbir görülməsi üçün toplanmış sənədlər Mingəçevir Məhkəməsinə göndərilib.