Həbsxanadakı "kedicik" məktub yazdı: "Yeganə günahım sevməkdir"
Baxılıb: 662 Tarix: 01-11-2018 11:10
Adnan Oktar qruplaşmasının həbs edilən "kediciyi" Tülay Kumaşçı həbsxanadan məktub yazıb.
Qanunvehedef.az ölkə.az-a istinadən xəbər verir ki, Tülay məktubunda günahsız olduğunu iddia edib:
"Həbs edildikdən sonra Bakırköy həbsxanasına göndərildim. İçəri girəndə dizayner olan xanım məhkumlardan biri yanıma gəlib "Bir insanı sevmək niyə günah olsun ki" dedi. Mən də ona "Bəli, düz deyirsən, tək günahım sevməkdir" dedim. Əslində, hamı heç bir günahın olmadığını bilir".
Kumaşçı məktubuna belə davam edib:
"Allah mənə Yusif Mədrəsəsini nəsib etdi. Nə gözəl bir bəxtim var. Buradakı ən böyük çatışmazlığım intizardır. Canım Adnanı və dostları görə bilmirəm, söhbət edə bilmirəm. Ədalətə güvənirəm. Hamı bunu bilsin ki, hər birimiz bəraət alacağıq".
Həbsxanada şərtlərin məhdud olduğunu yazan "kedicik" belə davam edib:
"Bəzi kameralarda növbəylə yatırıq. Bu məhdud imkanlara rəğmən çox şirin, ana şəfqəti ilə bizə münasibət göstərən müdir xanım var. Həbsxana müdiri də nəzakətli, anlayışlı bir xanımdır. Hər biri gözəl insanlardır. Bu həyatım barədə roman yazmağı düşünürəm. Mən 10 nəfərlik otaqda Tuba Babuna ilə qalıram".
Ən çox oxunanlar
Son xəbərlər
