Kral ailəsində “Markl qasırğası”: Etiket qaydalarını pozur

Britaniyanın kral ailəsi hələ də “Markl qasırğası”nın (şahzadə Harrinin həyat yoldaşı Meqan Markl) təsirindən çıxa bilmir. Toydan sonra da öz davranışları ilə şahzadənin yaxın ətrafında narahatlıq oyadan keçmiş aktrisa etiket qaydalarında da düzəlişlər etməyə çalışır.
Kult.az xəbər verir ki, bu barədə “Deyli Meyl” nəşri yazıb.
Həyat yoldaşından boşanmış Marklın yenidən ağ paltarda evlənməsi kral ailəsinin narahatlığının başlanğıcı olub. Markl toydan sonra da bütün qaydalara əməl etmək niyyətində olmadığını nümayiş etdirib. Məsələn, iyun ayında kraliça ilə birlikdə gündəmə gələn hersoginya qatıldığı tədbirdə kraliçanın şlyapa taxmaq nümunəsinə əməl etməmişdi. Bununla yanaşı, Markl ətrafındakı insanlar arasında da dəyişiklik etməyib və əvvəldən münasibəti olan insanlarla əlaqəsini qoruyub saxlayıb.
Etiket qaydalarını dəyişməyə çalışan hersoginya şahzadənin ətrafında özünə “Qasırğa” ləqəbini qazanıb.