Hadisə yerində olan nazir danışdı: Qərar veriləcək

İlkin ehtimala görə partlayışa səbəb binanın ikinci mərtəbəsində baş verən qaz sızması olub.
Qanunvehedef.az xəbər verir ki, bu sözləri Gəncədəki partlayışla əlaqədar hadisə yerində olan Fövqəladə Hallar Naziri, general-polkovnik Kəmaləddin Heydərov jurnalistlərə açıqlamasında bildirib.
"Hadisə barədə məlumat səhər saat 05:40 radələrində daxil olub. Bildiyiniz kimi dağıntılar altından 3 nəfərin meyiti çıxarılıb. Xilas edilən bir yaralı Hərbi hospitala yerləşdirilib, vəziyyəti ağırdır. Axtarış-xilasetmə işləri davam etdirilir. Bu işlər yekunlaşdıqdan sonra isə binanın aqibəti, yəni bərpası və ya sökülüb yenidən inşa edilməsi ilə bağlı qərar qəbul olunacaq" - nazir qeyd edib.