Azərbaycanda 22 yaşlı qızın DƏHŞƏTLİ SONU

Qobustan rayonunda ölümlə nəticələnən bədbəxt hadisə baş verib.
Qanunvehedef.az publika.az-a istinadən xəbər verir ki, rayonun Nabur kəndində yaşayan 1996-cı il təvəllüdlü Abduləliyeva Şəbnəm Namiq qızı yaşadığı evin həyətindəki hamamda vəfat edib. Hamamda yuyunan 22 yaşlı Şəbnəmin geri qayıtmadığını görən ailə üzvləri narahatlıq keçirib və qapını sındırıblar. Məlum olub ki, gənc qadın dəm qazından boğularaq ölüb.
Bildirilir ki, hadisəyə hamamda qazla işləyən su qızdırıcısından ayrılan dəm qazı səbəb olub.
Vəfat edən Şəbnəm Abduləliyeva ailəli olub.
Faktla bağlı Qobustan rayon Prokurorluğunda araşdırma aparılır.