Fədayə Laçının cinayət işində son söz deyildi: "BƏRAƏT..."

Penitensiar Xidmətin tabor komandiri Bəhruz Abdullayev son söz deyib
Bakıda məhbusların qaçmasına kömək göstərməkdə təqsirləndirilən müğənni Fədayə Laçın və daha 12 nəfərin cinayət işi üzrə məhkəmə iclası davam edib.
Qanunvehedef.az-ın aznews.az-a istinadən məlumatına görə, hakim Azad Məcidovun sədrliyi ilə keçirilən prosesdə təqsirləndirilən, Penitensiar Xidmətin tabor komandiri Bəhruz Abdullayev son söz deyib. Keçmiş Tabor komandiri ona verilən ittihamları qəbul etmədiyini və heç bir günahın olmadığını deyib. Bəhruz Abdullayev barəsində bəraət hökmünün çıxarılmasını istəyib.
Daha sonra qarovul rəisinin müavini Tural Poladxanov son söz deyib. O, məhkəmədən ədalətli qərar çıxarılmasını istəyib.
Məhkəmə prosesi dekabrın 26-a təyin edilib.
Xatırladaq ki, prokuror çıxışında məhkəməyə Fədayə Laçının 6 il, Penitensiar Xidmətin tabor komandiri Bəhruz Abdullayev 10 il , qarovul rəisi Ceyhun Səmədov 10 il, müavinləri Tural Poladxanov və Fuad Hacıyev 8 il 6 ay, taksi sürücüsü Məhəmməd Hacıyevin 8 il Günay Atakişiyevanın 7 il Aqil Nəcəfovun 10 il , İsrafil Soltanovun 8 il , Şahmar Bəyəlizadənin 8 il Tərlan Zeynalovun 8 il , Anar Əsgərovun 8 il müddətinə azadlıqdan məhrum edilməsini istəyib. Dövlət ittihamçısı qatardan qaçan Əli Ağamiyə bu iş üzrə 10 il əza istəyib. Prokuror məhkəmədən onun cəzası Lənkəran Ağır Cinayətlər Məhkəməsinin hökmü ilə birləşməklə onun barəsində qəti olaraq 20 il müddətinə azadlıqdan məhrum edilməsini təklif edib. Qeyd edək ki, ötən il oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanan cinayət işi üzrə Fədayə Məmmədova (Fədayə Laçın) təqsirləndirilən şəxs qismində cəlb olunaraq Nəsimi Rayon Məhkəməsinin qərarı ilə barəsində həbs qətimkan tədbiri seçilib. Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb. Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 304.2.1 (qabaqcadan əlbir olan bir qrup şəxs tərəfindən azadlıqdan məhrum etmə və ya həbs yerindən, yaxud mühafizə altından qaçma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə cinayət işi başlanmaqla istintaq qrupu yaradılıb, dərhal təxirəsalınmaz istintaq hərəkətləri aparılıb. Baş Prokurorluğun, Daxili İşlər Nazirliyinin və Ədliyyə Nazirliyi Məhkəmə Ekspertizası Mərkəzinin ekspertlərinin iştirakı ilə hadisə yerinin müfəssəl müayinəsi həyata keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib. Əməliyyat-axtarış tədbirləri nəticəsində 2017-ci ilin oktyabrın 23-də Bakı-Astara-Bakı planlı dəmir yolu qarovulu ilə Bakı şəhərinə müşayiət zamanı xüsusi vaqondan qaçmış, 1989-cu ildə Şirvan şəhərində anadan olmuş, əvvəllər məhkum olunmamış, Cinayət Məcəlləsinin 120.2.2 və 228.1-ci maddələri ilə təqsirləndirilən Əli Ağami Şirvan şəhərində tutularaq istintaq təcridxanasına yerləşdirilib, araşdırma aparılır. "Qoca" ləqəbli Etibar Məmmədov isə saxlanılan zaman atışmada ölüb. Xatırladaq ki, cinayət işi üzrə 13 nəfər təqsirli bilinir və 1 nəfər barəsində isə axtarış elan olunub. Həbsdə olan şəxslər - müğənni F.Laçın, Penitensiar xidmətin Konvoy taborunun keçmiş komandiri Bəhruz Abdullayev, Penitensiar xidmətin üç sabiq əməkdaşı - qarovul rəisi Ceyhun Səmədov, qarovul rəisinin müavini Fuad Hacıyev və qarovul rəisinin digər müavini Tural Poladxanov, Əli Ağami, Günay Atakişiyeva, taksi sürücüsü Məhəmməd Hacıyevlə yanaşı, Aqil Nəcəfov, Anar Əsgərov, İsrəfil Soltanov, Şahmar Bəyəlizadə və Tərlan Zeynalovdur. İttiham aktına əsasən, 7 nəfər - Müzəffər Məmmədov, Emil Səfərov, Ramil Səlimov, Hətəm Əliyev, Vüsal Abbasov, Rövşən Camalov və Rəşad Məmmədov zərərçəkmiş şəxs qismində tanınır.шаблоны для dle 11.2