Qara dənizdə içində azərbaycanlı kapitanın cəsədi olan qayıq tapıldı
Baxılıb: 501 Tarix: 20-01-2019 12:39
Qara dənizdə Türkiyənin Samsun şəhəri yaxınlığında qəzaya uğrayan Panama bayrağı altında üzən "Volgo Balt 214" gəmisi ilə bağlı Türk Silahlı Güvənlik Hərəkət Mərkəzi tərəfindən Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyinin Milli Mərkəzinə məlumat daxil olub.
Milli.Az bildirir ki, Dövlət Dəniz Agentliyinin mətbuat xidmətindən Trend-ə verilən məlumata, daxil olan məlumatda bildirilir ki, Vanuatu bayrağı altında üzən "NURS" quru yük gəmisi Rusiya Federasiyasının Tuapse limanından 48 mil qərbə "Volqo Balt 214" gəmisinə aid içərisində 1 cəsəd olmaqla xilasedici qayıq aşkar edib.
Hava şəraiti əlverişli olmadığından cəsədi qayıqdan götürmək və qayığı sudan qaldırmaq mümkün olmayıb. Qayığı "NURS" quru yük gəmisi yedəyə götürərək Rusiyanın Novorosiysk limanına istiqamət alıb. Limana çatan quru yük gəmisindən götürülən cəsədin şəxsiyyəti müəyyən olunub. Dövlət Dəniz Agentliyinin mətbuat xidmətindən Trend-ə verilən məlumata görə, cəsəd Azərbaycan vətəndaşı - gəmi kapitanı İsmayılov Turbat Kamil oğluna məxsusdur.
Ən çox oxunanlar
Son xəbərlər
