Bakıda ağır qəza: yük maşını DYP avtomobilinə çırpıldı, 1 ölü
Baxılıb: 558 Tarix: 12-05-2018 14:33
Bakıda ağır qəza: “Mercedes” DYP avtomobilinə çırpıldı, 1 ölü
Bu gün saat 13 radələrində Bakı Dairəvi-1 avtomobil yolunda ölümlə nəticələnən qəza baş verib. “Azərbaycan Avtomobil Yolları” Dövlət Agentliyinin İctimaiyyətlə Əlaqələr Şöbəsindən Qanunvehedef.az-a verilən məlumata görə, qəza nəticəsində Yol Xətt MMC-nin işçisi dünyasını dəyişib.
Hadisə avtomobil yolunun “Meyvəli” bazarı istiqamətinə düşən hissəsində baş verib. Belə ki, ərazidə üfiqi nişanlanma xətlərinin yenidən rənglənməsi işləri aparılarkən 90 FS 151 dövlət nömrə nişanlı yük maşınının sürücüsü idarəetməni itirərək maşını öncə yolda hərəkətdə olan Pajero markalı avtomobilə, daha sonra ərazidə xidmət aparan və həmin hissədə işlərin aparıldığı üçün yolun bağlı olduğunu sürücülərə işarələyən BDYPİ-nin Yol Patrul Xidməti avtomobilinə və Yol Xətt MMC-yə məxsus minik maşınına çırparaq, MMC-nin işçisi olan 1972-ci il təvəllüdlü İlqar Əmirovu vurub. Daha sonra yük maşını yol kənarında quraşdırılmış əyri-xətli dəmir tirlərə dəyərək dayanıb. İlqar Əmirov aldığı xəsarətlərdən hadisə yerindəcə dünyasını dəyişib.
İlkin versiyaya əsasən, hadisə yük maşının əyləc sistemində yaranmış nasazlıq ucbatından baş verib.
Faktla bağlı araşdırma aparılır.
Ən çox oxunanlar
Son xəbərlər
