SSRİ əleyhdarı olan məşhur amerikalı tarixçi öldü

Məşhur amerikalı tarixçi Riçard Payps vəfat edib.
Kult.az xəbər verir ki, Payps 94 yaşında dünyasını dəyişib.
Qeyd edək ki, Payps əslən yəhudidir. O, 1923-cü ildə Polşada anadan olub, sonradan ABŞ-a köçüb. Rusiya tarixini tədqiq edən ən məşhur tarixçilərdən biri idi. O, gənclik illərini SSRİ ilə mübarizəyə həsr edib. Belə ki, Payps 1968-1973-cü illərdə Harvard Universitetindəki Rusiya Tədqiqatlar Mərkəzi, 1981-1982-ci illərdə isə ABŞ Milli Təhlükəsizlik Şurasının Şərqi Avropa və SSRİ şöbəsinə rəhbərlik edib.
Payps bir sıra ABŞ prezidentinin SSRİ ilə bağlı məsləhətçisi kimi də çalışıb.