Oliqarx deputatın şirkəti bağlandı
Baxılıb: 635 Tarix: 20-06-2019 13:24
İnşaat sektorunda tanınmış şirkətlərdən biri olan "Azəraqrartikinti" ASC-nin filiallarından biri bağlanıb.
Qanunvehedef.az finans.az-a istinadən xəbər verir ki, cəmiyyətin Müşahidə Şurasının 15 yanvar 20219-cu il tarixli 01 saylı qərarı ilə "Azəraqrartikinti" ASC-nin Gədəbəy "Aqrartikinti" filialı ləğv olunub.
Qeyd edək ki, 1998-ci ildən "Azəraqrartikinti" Açıq Səhmdar Cəmiyyətinin Müşahidə Şurasının sədri Milli Məclisin deputatı Ağalar Vəliyevdir.
Azərbaycan Milli Elmlər Akademiyasının əsas binasında, həmçinin AMEA-nın Tarix Muzeyində, Rüstəm Mustafayev adına Azərbaycan Dövlət İncəsənət Muzeyində aparılan tikinti, bərpa və yenidənqurma işlərini, AMEA Mərkəzi Elmi Kitabxanasının, AMEA-nın Milli Ensiklopediya Mərkəzinin, Bakı şəhərində Apelyasiya Məhkəməsi üçün inzibati binanın, Kənd Təsərrüfatı və Ədliyyə Nazirliyinin bir sıra obyektlərinin, Bakı şəhərinin rayonlarında xeyli sayda məktəblərin və uşaq bağçalarının, Şəmkir-Gəncə magistral su xəttinin, Goranboy və Göygöl rayonlarının su və kanalizasiya şəbəkələrinin, Bakı şəhərində və respublikanın müxtəlif şəhər və rayonlarında məcburi köçkün soydaşlarımız üçün salınan qəsəbələrdə xeyli sayda çoxmərtəbəli və fərdi yaşayış evlərinin tikintisi "Azəraqrartikinti" ASC tərəfindən aparılıb.
Ən çox oxunanlar
Son xəbərlər
