Bakıda şok olay: Oğul anasını döyərək öldürdü - Təfərrüat
Baxılıb: 485 Tarix: 28-06-2019 11:45
Bakıda anasını öldürməkdə təqsirli bilinən 26 yaşlı Eldar Müslümovun cinayət işi üzrə ibtidai istintaq başa çatıb.
Teleqraf.com xəbər verir ki, cinayət işi üzrə materail araşdırılması üçün Bakı Ağır Cinayətlər Məhkəməsinə göndərilib.
Cinayət işi araşdırılması üçün hakim İlham Mahmudovun icraatına verilib. Yaxın günlərdə bu dəhşətli cinayət işi üzrə məhkəmə araşdırması başlanacaq.
İttihama görə, bu ilin fevralın 18-də Nərimanov rayonu ərazisində Eldar Müslümov 66 yaşlı anası Nailə Müslümovanı öldürüb. Məlum olub ki, o, münaqişə zamanı stulla anasının sinəsinə vurub. Bu zaman başı divara dəyən qadın yıxılıb.
Cinayəti törətdikdən dərhal sonra Eldar Müslümov mənzilin qapısını bağlayaraq qaçıb. O, bir sutka ərzində evdə olmayıb. Fevralın 19-da, gündüz saat 16.00-da evlərinə qayıdıb.
Anasının yaşadığını düşünərək təcili yardım çağırıb. Hadisə yerinə gələn həkimlər qadının öldüyünü təsdiq ediblər. Həkimlərdən sonra hadisə yerinə polislər gəlib.
Məlum olub ki, ana ilə oğul arasında münaqişə smartfon telefon üstündə düşüb. Eldar Müslümov anasından özünə smartfon telefon almaq üçün pul istəyib. Anası isə pul verməkdən imtina edib. Bundan qəzəblənən oğlan anasına əl qaldırıb.
Qeyd edək ki, oğlan və anası tək yaşayırmış.
O da məlum olub ki, oğlan epilepsiyadan əziyyət çəkir və psixi çatışmazlığı var.
İstintaq orqanı tərəfindən Eldar Müslümovun barəsində Cinayət Məcəlləsinin 120.2.4-cü (quldurluq, hədə-qorxu ilə tələb etmə, terrorçuluq və ya banditizmlə əlaqədar adam öldürmə) maddəsi ilə ittiham elan edilib.
Ən çox oxunanlar
Son xəbərlər
