Bir salama dəymədi — 17 il cəza aldı
Baxılıb: 562 Tarix: 29-07-2019 11:54
Bakı Ağır Cinayətlər Məhkəməsində qətl törətməkdə təqsirləndirilən Babək Həsənovun cinayət işi üzrə məhkəmə iclası başa çatıb.
Qanunvehedef.az "Ölkə.Az"a istinadən xəbər verir ki, hakim Novruz Kərimovun sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə Babək Həsənov 17 il müddətinə azadlıqdan məhrum edilib.
Qeyd edək ki, hadisə bu ilin fevral ayında Sumqayıt şəhərində baş verib. B.Həsənov münaqişə zəminində tanışı, 1990-cı il təvəllüdlü Aydın Seyidovu qətlə yetirib.
Məlumata görə, tərəflər arasında yaranan mübahisəyə Tibb kollecinin arxasında olan çayxanada A.Seyidovun B.Həsənova salam verməməsi səbəb olub. Onlar mübahisələrini çayxananın arxasında davam etdiriblər və B.Həsənov kəsici-deşici alətlə onu vuraraq öldürüb.
Şübhəli şəxs qismində tutularaq istintaqa cəlb edilən B.Həsənov törətdiyi əməli etiraf edib. O, dəmirçi işlədiyi üçün həmin alətdən peşəsi ilə əlaqədar istifadə etdiyini bildirib.
B.Həsənova qarşı Cinayət Məcəlləsinin 120.2.2-ci (xuliqanlıq niyyəti ilə qəsdən adam öldürmə) maddəsi ilə ittiham irəli sürülüb.
Ən çox oxunanlar
Son xəbərlər
