Onlayn bilet satışı niyə çökdü?
Baxılıb: 904 Tarix: 15-08-2022 13:33
"Belə görünür ki, iTicket şirkəti də kritik informasiya infrastrukturunun subyektləri siyahısına daxil edilməlidir. Bu gün minlərlə vətəndaşımız "Qarabağ" Futbol Klubunun bilet satışını həvalə etdiyi iTicket şirkətin saytından elektron bilet əldə etməkdə çətinliklə üzləşib, sistem çöküb, xeyli sayda vətəndaşlar ödəniş etsə də bilet əldə edə bilməyiblər".
Redaktor.az xəbər verir ki, bu barədə "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti.Osman Gündüz "Facebook" səhifəsində paylaşım edib.
O bildirib ki, quruma məxsus informasiya sisteminin funksionallığının pozulması ilə cəmiyyətin və vətəndaşların maraqlarına yetərincə ziyan vurulub:.
"Zaman-zaman bu tip problemlər müşahidə olunur. Qarabağ FK məşhurlaşdıqca problem daha da dərinləşə bilər.
Bununla da kibertəhlükəsizliklə bağlı yeni formalaşmış normalara görə ölkədəki bütün kütləvi tədbirlərin bilet satışı təchizatçısı olan iTicket şirkətinin iTicket.az resursu kritik informasiya infrastrukturu obyekti olaraq qəbul edilə bilər.
Belə olarsa artıq onun təhlükəsizliyi ilə bağlı müstəvi dəyişmiş olacaq, ona qarşı yeni təhlükəsizlik tələbləri irəli sürüləcək .
Qısası, əgər iTicket kritik infrastrukturun subyekti olsa bilet satışı sisteminin təhlükəsizliyi DTX və XRİT Dövlət Xidmətinin nəzarətinə keçəcək".
Qanunvehedef.az
Ən çox oxunanlar
Son xəbərlər
