Skripalı zəhərləyənlər QRU zabitidir - Meydən şok açıqlama

Sergey və Yuliya Skripalın zəhərlənməsində iştirak edən şəxslər Rusiyanın Baş Kəşfiyyat İdarəsinin (QRU) əməkdaşlarıdır.
Qanunvehedef.az xəbər verir ki, bunu Britaniyanın Baş naziri Tereza Mey deyib.
“Skripalların zəhərlənməsində iştirak edən Aleksandr Petrov və Ruslan Bəşirov Rusiya Baş Qərargahının Baş Kəşfiyyat İdarəsinin (QRU) zabitləridir. Britaniya onların həbsi üçün order verib. Skripalların zəhərlənməsiylə bağlı əmr təkcə QRU-dan yox, həm Rusiya hakimiyyətindəki yüksək vəzifəli şəxslərdən də gəlib. Rusiya çalışırdı ki, Britaniyanın iddialarını şübhə altına alsın və bəziləri də onların bu cəhdlərinə inanırdılar. İndi hökumət Kremlin əməliyyatda iştirakını sübut edə bilib. Britaniya bütün milli təhlükəsizlik aparatından QRU-ya müqavimət göstərmək üçün istifadə edəcək” – deyə o bildirib.