Gəncənin yeni başçısı açarı dindarlara verdi
Baxılıb: 467 Tarix: 10-09-2018 16:14
Gəncə Şəhər İcra Hakimiyyətinin başçısı Niyazi Bayramov Gəncədə Şəhər Təsərrüfatı Şöbəsinin tabeliyində olan idarə və müəssisə rəhbərləri ilə görüşüb. Bir neçə əhəmiyyətli məkanların açılışında iştirak edib.
Qanunvehedef.az xəbər verir ki, icra başçısı Gəncə şəhər Dövlət Dəmiryol İdarəsinin balansında olan binaların Gəncə Şəhər İcra Hakimiyyətinin balansına köçürülməsi, 1 nömrəli şəhər qəbiristanlığı və “Səbzikar” məzarlığına nəzarətin Nizami və Kəpəz rayon bələdiyyələrinə verilməsi üçün müvafiq komissiyanın yaradılmasını tapşırıb.
İcra başçısı həmçinin Aşurə öncəsi şəhərdə olan bütün məscidləri də ziyarət edib. Unikal.org-un əldə etdiyi məlumata görə, icra başçısı Məhərrəmlik ayının başlanması ilə əlaqədar İmamzadə ziyarətgahında olub. İmamzadə məscidində 5000 nəfərə yaxın insanın ibadət edə biləcəyi mərasim zalının açarını da yenidən dindarlara təqdim edib.
Sabahdan etibarən İmamzadə Ziyarətgah Kompleksi dindarların istifadəsinə veriləcək. Məhərrəmlik ayının ilk günündən sonuna qədər ziyarətgah kompleksində olan Hüseyniyyə məscidində kişilər, Zeynəbiyyə məscidində qadınlar dini ayınləri yerinə yetirəcəklər.
Ən çox oxunanlar
Son xəbərlər
