Bakıda körpələr evində qalmaqallı video - ərzaqlar daşınır

 Bakıda 1 saylı körpələr evi ilə bağlı xoşagəlməz görüntülər yayılıb.
Sonxeber.az xəbər verir ki, görüntülərdə qadınla kişinin valideyn himayəsindən məhrum olan uşaqlar üçün gətirilən ərzaq məhsulları və geyimləri avtomobilə daşıyaraq başqa yerə apardığı görünür.
Videonu müğənni Rəqsanə İsmayılovanın qızı Aysun şəxsi "İnstagram" səhifəsində paylaşıb.
O bildirib ki, körpələr evindəki bu hadisə ilə dəfələrlə qarşılaşıb:
"Bu mənzərə ilə artıq bir neçə dəfədir ki, qarşılaşıram. Bura 1 saylı körpələr evinin həyətidir. Bu videonu çəkməkdə məqsədim odur ki, hər dəfə bura xeyli bazarlıqlar- geyimlər, yeməklər, şirniyyatlar, qoyun ətləri, bir sözlə hər şey gəlir. Kimə gəlir? Oradakı körpələrə! Amma o uşaqlar bunların 10 faizini görür. Niyə?! Çünki 1 gün sonra o bazarlıqlar maşınlara doldurulur və harasa gedir. Sadəcə mənə bir vətəndaş olaraq çox maraqlıdır... O bazarlıqları siz hara aparırsız? Düşünürəm ki, cavabı hər kəs bilir. Amma yenə də biz soruşaq görək hara gedir? Bəlkə də açıqlaması var".шаблоны для dle 11.2