Türkiyənin yeni səfirindən təyinatı ilə bağlı paylaşım

Türkiyənin Azərbaycana təyin edilən yeni səfiri Birol Akgün təyinatı ilə bağlı paylaşım edib.
Qanunvehedef.az xəbər verir ki, B.Akgün “X” hesabında yazıb:
“Türkiyə Respublikasının Azərbaycandakı səfiri vəzifəsinə təyin olunmağımla bağlı Prezidentimiz Rəcəb Tayyib Ərdoğana minnətdarlığımı bildirirəm. Birlikdə işləməkdən şərəf duyduğum xarici işlər naziri Hakan Fidana da dəstəyinə görə təşəkkür edirəm. Bu şərəfli vəzifənin icrası müddətində Türkiyə və Azərbaycan arasında “Bir millət, iki dövlət” anlayışı ilə əməkdaşlığı, qardaşlığı və ittifaqı bütün sahələrdə inkişaf etdirməyə davam edəcəyik”.
Xatırladaq ki, Türkiyə Maarif Vəqfinin sədri Birol Akgünün Azərbaycana yeni səfir təyin edilməsi ötən ilin dekabrın əvvəlində məlum olmuşdu. Cari il yanvarın 11-də isə Türkiyə Prezidenti Rəcəb Tayyib Ərdoğan təyinatı rəsmi olaraq təsdiqləyib.

Qanunvehedef.azшаблоны для dle 11.2