Rus milyarderlər sürətlə varlanır

Bütün dünyada Rusiya milyarderləri öz sərvətlərini hər kəsdən daha sürətli artırırlar.
Qanunvehedef.az xəbər verir ki, “Blumberq” agentliyi son 12 ay ərzində rus milyarderlərin sərvətlərini 10,8% artırdığını açıqlayıb. Bundan sonrakı yeri amerikalılar tutub. Onlar sərvətlərini 7,5% artırmağı bacarıblar. Britaniyalı milyarderlərdə isə bu göstərici 3,4% təşkil edib.
Rusiyalı milyarderlərin sərvətlərini bu qədər sürətlə artırmasına səbəb neft qiymətlərinin yüksəlişi olub. Belə ki, varidatını hamıdan daha sürətlə artıran Leonid Mixelson (4,3 milyard dollar), Gennadi Timçenko (4 milyard dollar) və Vahid Ələkbərovdur (3,5 milyard dollar).
Ən pis göstərici isə Çindən olan milyarderlərlə bağlı qeydə alınıb. Çinli milyarderlərin sərvətləri 27% azalıb.