Prezidentin Səbailə təyin etdiyi yeni başçı kimdir? - Dosye/Foto
Baxılıb: 642 Tarix: 30-10-2018 17:22
Bu gün Prezident İlham Əliyevin imzaladığı sərəncamla Vüqar Teyyub oğlu Zeynalov Səbail rayon İcra Hakimiyyətinin başçısı təyin edilib.
Qanunvehedef.az publika.az-a istinadla xəbər verir ki, Vüqar Zeynalov icra başçısı təyin edilənədək Bakı şəhər Mədəniyyət və Turizm Baş İdarəsinin rəisi vəzifəsində çalışıb.
Qeyd edək ki, V.Zeynalov 1963-cü ildə Bakı şəhərində anadan olub. O, Azərbaycan Dövlət Mədəniyyət və İncəsənət Universitetini və Prezident yanında Dövlət İdarəçilik Akademiyasını bitirib. 2015-ci ildə Bakı Şəhər Mədəniyyət və Turizm İdarəsinə rəis təyin edilib.
O, daha əvvəl Azərbaycan Milli Elmlər Akademiyasının Nizami Gəncəvi adına Azərbaycan ədəbiyyat muzeyində baş mütəxəssis, Azərbaycan Milli Elmlər Akademiyasının "Akademiya" kitab mərkəzində direktor, Azərbaycan Dövlət İncəsənət muzeyində Muzey işində innovasiyaların tətbiqi şöbəsinin müdiri, muzeyin direktor müavini, Azərbaycan Diplomatiya Akademiyasının (ADA) Kitab Mərkəzində direktor vəzifəsində çalışıb.
V.Zeynalov bir müddət Nizami Kino Mərkəzinin direktoru vəzifəsində də işləyib.
Ailəlidir, iki övladı var.
Ən çox oxunanlar
Son xəbərlər
