Aşıq Əli əməkdar artisti tənqid etdi — "Mənə o adam haqqında sual verməyin"

Aşıq Əli əməkdar artist Elnarə Abdullayevanın qadın aşıqları barədə dediyi fikrinə münasibət bildirib.
"Ölkə.Az"xəbər verir ki, Əli Tapdıqoğlu ifaçının "Xanımdan aşıq olmaz" sözlərini tənqid edib.
Aşıq "Show news"a açıqlamasında hətta belə Abdullayevanı tanımadığını da deyib:
"Kim nə deyir, nə demir mənə önəmli deyil. Heç bilmirəm ki, belə söz deyilib və elə adam var. Mənə o adam haqqında sual verməyin. İndiki şou-biznesdə elə kişilər var ki, o, xanım qeyrəti onda yoxdur. Xanım var ki, döyüşə gedir: Həcər, Nigar. İndi real həyatımızda da qəhrəman xanımlarımız var. Həmin xanım haqqında danışmıram. 
Kim ki, kənara çəkilir, ortalıqda olmur, bu üsuldan istifadə edir. Bir mövzu atırlar, bunun ətrafında hamı ad çəkməlidir. Əslində belə şeylərə reaksiya vermirəm. Bilirsiz ki, biznesdə varam, amma şouda yoxam".

шаблоны для dle 11.2