Milli Kitabxanada narazılıq? - Bayram günləri…
Baxılıb: 812 Tarix: 14-06-2018 15:32
Azərbaycan Milli Kitabxanası iyunun 17-si, bayrama düşən bazar günündə də xidmət göstərəcək.
Kitabxanadan Kult.az-a verilən məlumata görə, kitabxananın xidmətlə bağlı şöbəsi iş başında olacaq. Oxucular bayram tətilində də kitabxanaya müraciət edə bilərlər:
“Kitabxanın 5 gün çalışan şöbələri bayram təlilində 5 gün istirahət edəcəklər. Amma xidmətlə bağlı şöbələrimiz iyunun 17-si də işləyəcək.
Bayram günü iyunun 15-i və 16-sı olduğu üçün və bazar günü heç bir bayram olmadığına görə xidmət şöbəmiz bazar günü də fəaliyyət göstərəcək”.
Qeyd edək ki, sosial şəbəkədə Milli Kitabxana rəhbərliyinin qanunsuz olaraq, bazar gününə də iş saldığı, işləmək istəməyənlərin isə maaşının tutulacağı barədə xəbərdar edildiyi bildirilmiş və bu, “qanunsuz addım” kimi təqdim edilmişdi.
Zəruri olaraq əlavə edək ki, M.F.Axundov adına Milli Kitabxana az qala yarandığı gündən bazar günü də (tələbə, aspirant və digər oxucuların rahat istifadəsi üçün) çalışıb. Kitabxananın istirahət günü bazar ertəsidir.
Ən çox oxunanlar
Son xəbərlər
