Dilarə Kazımova çətin günlərindən danışdı: "Atam vəfat etdikdən sonra..."
Baxılıb: 755 Tarix: 14-11-2018 17:01
Müğənni Dilarə Kazımova atasının vəfatından sonra həyat eşqinin azaldığını, hətta Allaha olan inancını itirdiyini etiraf edib.
Ulduz bu barədə "Altın Kelebek" mükafat mərasimi çərçivəsində lentə alınan "Böyük dəyişim" adlı sənədli filmdə danışıb. Atasının vəfatından sonra ağır günlər yaşadığını deyən Dilarə Kazımova kədərini belə ifadə edib:
"12 yaşımda atam rəhmətə getdi, bu, mənim üçün böyük şok idi. Çünki atamı özümdən də çox istəyirdim. Bu hadisədən sonra özümü itirdim. O, öləndən sonra Allahdan küsdüm. Başa düşmədim ki, niyə atamı məndən aldı... 17 yaşıma kimi həyatda özümü tapa bilmədim, çox kədərli idim. 2-3 il qəbiristanlığa daimi olaraq getdim. Hətta atamın qəbri ən sevdiyim yer idi. Elə bilirdim ki, dünyada məni ondan başqa heç kim başa düşmür. Zamanla anladım ki, həyat dəyişə bilər...
Atam musiqini çox sevirdi. İstəyirdi ki, incəsənətlə məşğul olum. Böyük bağımız var idi, Uitni Hyustonun mahnılarını oxuyurdum. Bütün qonşular başıma toplaşırdı, hətta mahnı da sifariş verirdilər"
Ən çox oxunanlar
Son xəbərlər
