"Game of Thrones" ilə populyarlaşan məşhur aktrisa Lena Headey şəxsi həyatı ilə bağlı açıqlamalar verib.
Open.az "Sunday Times"a istinadən xəbər verir ki, o da digər həmkarları kimi prodüser Harvey Veyşteynin cinsi təcavüzünə məruz qaldığını etiraf edib.
"Mənimlə yatmaq istədi, amma mən onu rədd etdim. Ona rədd cavabı verəndən sonra onun şirkəti "Miramax"dan heç bir təklif almamışam", - deyə aktrisa bildirib.
Headey Veyşteynin ona iki dəfə cinsi əlaqədə olmağı təklif etdiyini vurğulayıb: "Bir dəfə hotel otağına getdim və mənə eşq həyatım haqqında suallar verməyə başladı. Daha sonra mənə digər otağa keçməyi təklif etdi. Mən də bunu rədd edincə, "Bu haqda heç kimə demə" deyə əsəbi şəkildə xəbərdarlıq etdi".