Həkimdən dondurmalarla bağlı – Xəbərdarlıq

Dondurma uşaqlar üçün faydalıdır, amma südə və müxtəlif giləmeyvələrə allergiyası olan uşaqlara vermək olmaz.
Qanunvehedef.az xəbər verir ki, bu sözləri pediatr Vaqif Qarayev qeyd edib. O bildirib ki, satışda olan dondurmalara müxtəlif yağlar və aromatizatorlar əlavə edildiyindən həm keyfiyyətsiz olur, həm də allergiya yaradır:
“Diabetiklərə və kök uşaqlara dondurma vermək üçün həkiminizlə məsləhətləşin. Tez-tez xəstələnən, angina və boğaz ağrısı olan uşaqlara çox ehtiyatla verilməlidir. Belə bir fikir var ki, dondurma angina-filan yaratmır, amma bu fikir bizim uşaqlar üçün keçərli deyil. Çünki biz yay-qış uşağın boğazını soyuqdan qoruyuruq. Düzgün eləmirik, çünki onda boğaz (əsnək) soyuğa və müxtəlif xəstəliktörədicilərə çox həssas olur. Ona görə belə uşaqlara dondurmanı otaq temperaturunda versək yaxşıdır. Ən məsləhətlisi isə dondurmanı evdə özünüzün hazırlamağınızdır. Satışda da keyfiyyətli dondurma var, amma çox bahadır və hamıya əlçatan deyil”.шаблоны для dle 11.2