Nazirlikdən kütləvi zəhərlənmə ilə bağlı - Açıqlama

Saatlı Rayon Mərkəzi Xəstəxanasında müalicə alan xəstələrdən ikisi artıq evə buraxılıb.
Bu sözlər Qanunvehedef.az-a açıqlamasında Səhiyyə Nazirliyinin mətbuat xidmətinin əməkdaşı Səfayə Əhmədova deyib. O bildirib ki, zəhərlənənlərdən 8-i kişidir:
“Rayonda müalicə alan 4 nəfərin səhhəti orta-ağır olduğu üçün Bakı Kliniki Tibbi Mərkəzin Toksokologiya şöbəsinə gətirilib. Digər xəstələrin isə vəziyyəti normaldır, müalicələri davam edir”.
Qeyd edək ki, ötən gün Saatlının Smada kəndindəki pambıq tarlasında işləyən 24 kənd sakini alaq otlarına qarşı istifadə edilən kimyəvi maddədən zəhərlənib.