"Azərbaycan hökuməti və tərəfdaşlarımızla əməkdaşlığı davam etdirəcəyik" - BP
Baxılıb: 558 Tarix: 02-07-2018 11:32
“2018-ci ildə Türkiyəyə kommersiya məqsədli ilk qaz həcmlərinin nəqli layihənin başlanğıcında vəd edilən mühüm hədəfdir”.
“APA-Economics” xəbər verir ki, bunu BP-nin Azərbaycan, Gürcüstan və Türkiyə üzrə regional prezidenti Qəri Conz deyib.
“Regional hökumətlər və “Şahdəniz” konsorsiumundakı tərəfdaşlarımızla birlikdə işləyərək, biz bu hədəfə təhlükəsiz, vaxtında və büdcə çərçivəsində çatmışıq. Bu, bizim yüksək keyfiyyətli layihələri uğurla birgə həyata keçirə bildiyimizi göstərir. Operator olaraq BP məmnundur ki, Azərbaycanda və bütün regionda uzunmüddətli tərəfdaşlığımız bu dünya miqyaslı layihəni uğurla həyata keçirmək və Türkiyədəki istehlakçılar qarşısında öhdəliklərimizi yerinə yetirmək üçün imkan yaradıb. Biz bu müstəsna nailiyyətimizin davamını gətirərək növbəti hədəfimizə - 2020-ci ildə Avropaya qaz nəqlinə nail olmaq üçün Azərbaycan hökuməti, SOCAR və digər tərəfdaşlarımızla sıx əməkdaşlığmızı davam etdirəcəyik,” – deyə Q. Conz bildirib.
Ən çox oxunanlar
Son xəbərlər
