Azərbaycan İrəvanda bundan imtina etdi
Baxılıb: 720 Tarix: 27-11-2018 12:18
Eyni anda dörd ölkə bu gün Ermənistan paytaxtı İrəvanda işinə başlayan Qara Dəniz İqtisadi Əməkdaşlıq Təşkilatının Parlament Assambleyasının (PABSEC) 52-ci iclasında yubiley medal almaqdan imtina edib.
Report xəbər verir ki, giriş nitqindən sonra Ermənistan parlamentinin sədri Ara Babloyan təşkilatın 25 illiyi münasibətilə bütün milli nümayəndə heyətlərinin medallarla təltif olunacağını elan edib. Lakin birdən-birə dörd ölkənin - Azərbaycan, Türkiyə, Gürcüstan və Ukraynanın nümayəndə heyətləri medallardan imtina edib.
Məsələ ilə əlaqədar A.Babloyan mükafatın yalnız nümayəndə heyətinin rəhbərlərinə yox, bütün heyətə aid olduğunu bildirib.
PABSEC-in Baş katibi Asəf Hacıyev isə öz növbəsində deyib ki, bundan faciə düzəltmək lazım deyil.
Qeyd edək ki, iclasda Azərbaycan nümayəndə heyətinə deputat Eldar Quliyev rəhbərlik edir.
Ən çox oxunanlar
Son xəbərlər
