Bakı və İrəvanın Qarabağa görə son əlaqələri... - Zaxarova

Rusiya rəsmi Bakı və İrəvan arasında son vaxtlar müxtəlif səviyyələrdə baş tutan əlaqələri alqışlayır.
Qanunvehedef.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova brifinqdə Azərbaycan və Ermənistan XİN başçılarının Parisdə baş tutmuş görüşünü şərh edərkən bildirib.
"Bu məsələ (Dağlıq Qarabağ münaqişəsi - red.) ilə bağlı mövqeyimiz dəyişməzdir", - M.Zaxarova deyib.
Onun sözlərinə görə, Rusiya tərəfi vasitəçilik funksiyasını xoş niyyətlə və səmərəli şəkildə həyata keçirir.
"Son vaxtlar rəsmi Bakı və İrəvan arasında müxtəlif səviyyələrdə baş tutan siyasi əlaqələri alqışlayırıq. Tərəflərin özlərinin verdiyi konstruktiv qiymətləndirmələri eşitmişik. Hesab edirik ki, bu, irəliyə doğru atılmış düzgün addımdır", - Rusiya XİN nümayəndəsi söyləyib.