Saxladığı vəhşi quşa görə cərimələndi
Baxılıb: 454 Tarix: 13-08-2018 11:42
“Qırmızı Kitab”a daxil olan Qara çalağan quşunu qanunsuz saxlayan şəxs cərimələnib.
Ekologiya və Təbii Sərvətlər Nazirliyindən Qanunvehedef.az-a verilən məlumata görə, keçirilən reyd zamanı Oğuz rayonu Kərimli kəndi ərazisində kənd sakini Elçin Babayevdə qanunsuz olaraq təbiətdən götürülən, Azərbaycan Respublikasının “Qırmızı Kitabı”na daxil olan Qara çalağan quşu aşkar edilib.
Faktla bağlı E.Babayev barəsində protokol tərtib olunub və o, inzibati qaydada 500 manat məbləğində cərimə edilib.
Qara çalağan quşu götürülərək Altıağac Milli Parkının nəzdində fəaliyyət göstərən Vəhşi Təbiətin Bərpası Mərkəzi və Reabilitasiya Klinikasına təhvil verilib. Quş reabilitasiya dövrü keçdikdən sonra vəhşi təbiətə buraxılacaq.
Ən çox oxunanlar
Son xəbərlər
