SOCAR-la "Qazprom" arasında müzakirə

SOCAR Rusiyanın “Qazprom” şirkəti ilə Azərbaycana təbii qaz tədarükünü müzakirə edib.
Qanunvehedef.az xəbər verir ki, bu barədə “Qazprom” məlumat yayıb.
Bildirilir ki, SOCAR-ın prezidenti Rövnəq Abdullayev oktyabrın 12-də Sankt-Peterburqda “Qazprom”un idarə heyətinin sədri Aleksey Miller ilə görüşüb. Görüşdə Azərbaycana qaz tədarükü müzakirə olunub.
Qeyd edilib ki, təbii qaz nəqli bərpa edilən vaxtdan - 2017-ci il noyabrın 22-dən indiyə qədər “Qazprom” Azərbaycana 1,15 milyard kubmetr qaz göndərib. Tərəflər bu istiqamətdə əməkdaşlığın perspektivlərini müzakirə ediblər.