Dövlət orqanlarında çalışan bu işçilərin maaşları artırıldı
Baxılıb: 554 Tarix: 09-08-2019 11:21
Dövlət orqanlarında çalışan, dövlət qulluqçusu olmayan işçilərin (xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşları artırılıb.
Trend-in məlumatına görə, bununla əlaqədar Nazirlər Kabineti “Dövlət qulluğu ilə bağlı bəzi məsələlərin tənzimlənməsi haqqında” qərarda dəyişiklik edib. Qərar sentyabrın 1-dən qüvvəyə minir.
Qərara görə, ali kateqoriya dövlət orqanlarında vəzifə maaşları 310 (əvvəl 220) manat, 1-ci kateqoriya dövlət orqanlarında vəzifə maaşları 295 (əvvəl 210) manat, 2-ci və 3-cü kateqoriya dövlət orqanlarında vəzifə maaşları 280 (əvvəl 200) manat, 4-cü və 5-ci kateqoriya dövlət orqanlarında vəzifə maaşları 260 (əvvəl 180) olub.
Dəyişikliyə əsasən, dövlət büdcəsindən maliyyələşdirilən müəssisələrdə (Azərbaycan Milli Elmlər Akademiyasının (AMEA-nın), AMEA-nın Naxçıvan və Gəncə bölmələrinin tabeliyində olan elmi müəssisə və təşkilatlar istisna olmaqla) çalışan işçilərin əməyinin ödənilməsinin Vahid Tarif Cədvəli belə müəyyən olunub:
| Əməyin ödənilməsi dərəcələri | Aylıq tarif (vəzifə) maaşı(manatla) |
| 1 | 250 |
| 2 | 260 |
| 3 | 271 |
| 4 | 282 |
| 5 | 294 |
| 6 | 306 |
| 7 | 319 |
| 8 | 332 |
| 9 | 346 |
| 10 | 360 |
| 11 | 375 |
| 12 | 390 |
| 13 | 406 |
| 14 | 423 |
| 15 | 440 |
| 16 | 457 |
| 17 | 529 |
| 18 | 666 |
| 19 | 906 |
Ən çox oxunanlar
Son xəbərlər
