"Dağlıq Qarabağda qondarma "seçkilər"i tanımırıq" - Gürcüstan XİN
Baxılıb: 628 Tarix: 01-04-2020 07:51
"Dağlıq Qarabağda qondarma "prezident və parlament seçkiləri"ni tanımırıq".
APA-nın yerli bürosu xəbər verir ki, bu barədə Gürcüstan Xarici İşlər Nazirliyinin (XİN) rəsmi internet saytında yerləşdirilmiş bəyanatında bildirilib.
Bəyanatda qeyd olunub ki, Gürcüstan Azərbaycanın ərazi bütövlüyü və suverenliyini dəstəkləyir və münaqişənin beynəlxalq hüququn norma və prinsiplərinə uyğun şəkildə həllinin tərəfdarıdır.
"Gürcüstan Xarici İşlər Nazirliyi Azərbaycan Respublikasının suverenliyini və ərazi bütövlüyünü dəstəklədiyini bir daha təsdiqləyir və 31 mart 2020-ci ildə Dağlıq Qarabağda keçirilmiş qondarma "prezident və parlament seçkiləri"ni tanımır. Gürcüstan Dağlıq Qarabağ münaqişəsinin yalnız beynəlxalq hüququn norma və prinsiplərinə uyğun olaraq sülh yolu ilə həllini dəstəkləyir", - deyə bəyanatda bildirilib.
Qanunvehedef.az
Ən çox oxunanlar
Son xəbərlər
