Blinken Ermənistan və Azərbaycan xarici işlər nazirlərini Vaşinqtonda qəbul etməyi gözləyir

ABŞ dövlət katibinin Avropa və Avrasiya məsələləri üzrə köməkçisi Ceyms OBrayen Bakıya səfərindən sonra bildirib ki, ABŞ dövlət katibi Entoni Blinken tezliklə Ermənistan və Azərbaycan xarici işlər nazirlərini sülh danışıqları üçün Vaşinqtonda qəbul etməyi səbirsizliklə gözləyir.
Qanunvehedef.az xəbər verir ki, Obrayen "X" sosial şəbəkəsində yazıb.
"Bakıda müsbət və konstruktiv görüşlər oldu. Prezident İlham Əliyevə dediyim kimi, ABŞ Mərkəzi Bankın sədrinin və energetika nazirinin səfərlərini alqışlayır və katib Blinken sülh danışıqları üçün tezliklə xarici işlər nazirləri Bayramov və Mirzoyanı Vaşinqtonda qəbul etməyi səbirsizliklə gözləyir", - deyə o qeyd edib.

Qanunvehedef.az